Ondorioak

Azkenik gustatuko litzaidake azaltzea zer den bitakora honen bidez sentitu dudana. Egia esanez, oso gai zaila iruditzen zitzaidan, banekien zer zen blog bat baina nola egin...ideiarik ez.

Nahiz eta oso zaila izan, azkenean esperientzia polita izan dela uste dut, gustatzen zaidan gaia aukera nuen eta zailatu nahiz ahalik eta interesgarrien egiten.

Gauza asko ikasi ditut, nola egin multimedia, zer den tutorial bat, Picasa... hainbat programa nola erabiltzen diren etabar baina niretzako inportanteena da ikasi dudala materiala guk geuk sortu ahal dugula, haurrek goza dezaten.

Besterik gabe, teknologia berrietan ikasi dudala esan ahal dut.

Plastika haur itsuekin landu

Aurreko bideoan azaldu digute nola lagundu haur itsu bati marrazten, eta oraingo honetan plastilinarekin gauzak modelatzen dituzte.
Bai bata eta bai bestea, haurraren autokonfiantza garatzera lagunduko du eta ez dute ikusiko oztopo bat bezala horrelako gaiak, besteok bezain kapazak direlako.

http://es.youtube.com/watch?v=tfMD3ASV3Qw

Plastika haur itsuekin landu

Youtube begiratzen bideo aberasgarri hau aurkitu dut, bertan magisteritza ikasleen talde bat azaltzen digu nola landu ahal del plastika hezkuntza itsu den edo ikusteko arazoak dituen haur batekin.
Modu argian eta antolatuan erakusten dute eta adibide praktikoak jartzen dituzte hobeto ulertu ahal izateko.

http://es.youtube.com/watch?v=7t6c1nO94H8

Borobil kromatikoa

Hemen aurkezten dizuet niri klasea eman zidan irakasle batek egindako bideoa, bertan lehen hezkuntzako 5º mailako ikasleekin borobil kromatiko bat nola egiten den ikusten da.
Bideo hau bitakoran jartzea benetan aberasgarria iruditu zait uste dudalako praktikan gauzak askoz hobeto ikasten direla.
Youtuben jarrita dago.

Betidanik jakin dugu musika oso motibagarria dela eta kreatibitateari laguntzen diola. Gainera haurrei musika asko gustatzen zaie, orduan gauza guzti horiek kontutan izanda musika polit eta sentikor hau aukeratu dut haien irudimena sustatzeko.


powered by ODEO

Zer da Artea?

Pasadan urtean plastika irakasgaian emandakoa kontutan hartuz, hona hemen arteari buruzko azalpena.
Hasteko, ez dago artearen definizio bakarra. Are gehiago,definizio ugari eta amaiezinak aurkituko ditugu autore eta epoka ezberdinen zehar. Urruneko kultura eta epokerako objektu ezberdinei egokitzen zaien NOZIO ABSTRAKTOA dugu artea. Artearen kontzepzioak dauden epoka eta gizarteak bezainbeste dira.
Sormen artistikoa, bestalde, bilaketa prozesu gisa har daiteke, zeinean gizateria historian zehar, eta baita gizakiak eta kultura bakoitzak bere helburua hobekien lortzeko, teknika eta materialak probatzen eta ikertzen dituen.

Sormen artistikoa, giza ekoizpen bat gehiago da, eta horregatik inguruneari oso lotua izango da, hau da, ikus ingurunea, soziala, historikoa, ideologikoa, materiala, egunerokoa, teknikoa, ekonomikoa, sentikorra, etab., eta guztien balorapenen menpe.
Arteak gizarteen behar bati erantzuten die, hasieran behar erlijiosoa zena, baina beti gizakiaren izaera "gainditzeko" desioari lotuta, hau da, izaera transzendentea duen esperientzia edo ezagutzara heltzea.
Artea, munduaz egon daitekeen ideia, pentsamendu edo hausnarketa gisa har daiteke, baina baita sentsazio, aldarte, mugimendu beharra, edo kezka baten adierazpide bezala ere. Komunikabide gisa hartzen dute beste batzuk.
Artea, beraz, mundua ikusteko modu ezberdinen bilaketa kreatzaile gisa labur daiteke, eta baita adierazteko modu ezberdinena ere. Arteari egiten zaionean hurbilketa, errealitatearen hausnarketa gisa ulertu behar da.

Arte hezkuntzari buruzko beste bitakorak eskura

Hona hemen gai honi buruzko informazio gehiago eskaintzen dituzten hainbat bitakora:

- Marrazketaren mundua bitakora, ikusi ahal dugu artea egiteko modu ezberdinak, Azoketan eskura jartzen dizkiguten material ezberdinak, Ikastetxetan metodo modernuen berri izatea...oso bitakora interesgarria da.





- Beste aldetik,Irakaslearen eginkizuna, artearen garrantzia eskolan, kreatibitatearen garrantzia... hainbat gai nabarmengarriak erakusten digu, oso ondo landua benetan.





- Hemen beste bitakora interesgarria duzue, modu argian irakaslearen papera hezkuntzan, musika haurren marrazkietan duen eragina, marrazkien interpretazioak...eta beste gai jakingarriak azaltzen ditu, sartu eta ezagutu.

Doki erakusten digu garbiketaren garrantzia

Doki, azaltzen digu eguneroko garbitasunaren garrantzia, batez ere margoekin egon eta gero. Bideo honen bidez modu didaktiko batean, haurrek ulertuko dute garbitasuna eta txukuntasuna oso inportantea dela eta eskuak ondo garbitzen ez badituzte gaixotasunak har dezaketela.

Haurren marrazkiak

Iaz Plastika irakasgaia eman genuen; bertan umeen marrazkien garapena aztertu genuen. Gai oso interesgarria iruditzen zait eta horregatik jasan genituen idei guzti horiek kontutan hartuz, hona hemen haurrek marrazkietan ematen dituzten pausuak:

Lehenengo pausua zirrimarraketa da, umeak ez du helburu zehatz bat ezer margotzeko, zirrimarrak egiten ditu norabide ezberdinetan.

Umeak garai honetan, ez du ezer irudikatu nahi, ez dauka intentsio figuratiborik; plazerra sentitzen du bakarrik marrazten.

Beso osoa erabiltzen dute.

Ze erabiltzen den ere markatzen du marrazkiaren intentsitatea.

Hasieran norabide ezberdinetan marrazten dute beso osoarekin eta gero ukondoaren erabilpenari ezker, eskuinetik ezkerrera egiten duten mugimendua barridoa deitzen da.

Zirrimarraketaren barruan, zirrimarraketa zirkularra ere dago.


BARRIDOA


ZIRRIMARRAKETA ZIRKULARRA

Poliki-poliki zabaltzen joaten da, trazadura zikloidalak sortzen.
Geroago, trazoak egingo ditu. Bukleak eratzen, erpuruari ezker.
Erpurua, pintza moduan erabiltzen du trazua mozteko.

Haurra hasten da sinboloen garrantzia ematen egiten duenari.
Lehen bakarrik mugitzea eta behar hori adierazi nahi zuen, orain, berriz, konturatzen da zerbait egiten duela.

Inguruan dauden elementuak lotzen hasiko da, zirkuluak...

Geroago, haurra kontrol sinplea lortzen du, marrazkiak egiten ditu eta geroago mozten ditu.

Kontrol sinplea dagoenean, oinarrizko zirrimarrak deituko ditugu:


Haurra ze aroan dagoen definitzeko, begiratu behar dugu zer den berria, zein den pausurik aurreratuena.

Mandala deitzen zaio borobil bat dagoenean eta gainean gurutze bat:

Haurrei berez sortzen zaio behar hori, zirkulu bat egitea eta erditik erdibitzea gurutze batekin. Erdibitzen ditu lortzen dituen marrak.

Kontrol bikoitza edo trazuen kontrola, hasiera eta amaiera lotzeari deitzen zaio.


Gauzak izendatzeko beharra sortzen zaio baina ez du zertan zerikusia izan behar bera jartzen dion izena eta marrazkiak irudikatzen duena.

Lehengo diagramak edo forma itxiak sortzen ditu. Bi forma bakarrik konbinatzen baldin baditu, konbinatua esaten zaio eta bi forma baino gehiago konbinatzean, berriz, agregatua.

Denbora joan ahala erreztasun handiagoz konbinatuko ditu forma itxiak edo diagramak.

Marrazketa prozesua aurrera joatean giza irudi baten errepresentazioaren bila joango da.

EGUZKI ZIRRIMARRA

Gero eguzkiaren barruan trazoak jarriko ditu eta aurpegia egiten sailatuko da.


Ez da ahaztu behar haurrak dakiena, errepresentatzen duenarekin.
Badaki ahoa nolakoa den baina oraindik ez daki irudikatzen.

Haurrarentzako funtzio garrantzitsuenak buruarekin egiten ditu eta horregatik buru handiak egiten ditu.
Garai honetan bere interpretazioak egiten ditu paperaren gainean, haurra mundua nola ikusten duen adierazten du.

Haurrek, helduek bezala, bere pentsamendua eta sentimenduak adierazteko erabiltzen duten modu bat plastika da, beste bat abestea da, beste bat mugitzea...Batera eramaten dituzte adierazpide guztiak.

Azkenengo prozesuan, elementu asko elkartuko ditu; adibidez familiaren marrazki bat egiterakoan. Bera egozentrismotik abiatzen denez, bera erdialdean marrazten du bere burua, edo besteak baino handiagoa jarriko da.

Azkenik, haurrak adieraziko du gizakiak atzamarrak dituela:

PLASTIKARI BURUZKO ARGAZKIAK

Picasa biltegiaren bidez, modu errez batean bakoitza bere irudiak jarri eta besteenak erabiltzeko aukera du.
Kasu honetan, Plastikari buruzko hainbat lanen argazkiak ikusteko aukera duzue.

Plastika

http://picasaweb.google.es/jilenia/Plastika